بانڈڈویئرہاﺅس سے کروڑوں روپے کے آٹوپارٹس کی چوری،20کروڑسے زائد کے ڈیوٹی وٹیکسزکانقصان

کراچی(کسٹم بلیٹن) بانڈڈویئرہاﺅس سے کروڑوں روپے کے آٹوپارٹس کی چوری اورقومی خزانے کو 20کروڑروپے سے زائد مالیت کے ڈیوٹی وٹیکسزنقصان کی نشاندہی پراپریزمنٹ ایسٹ ، اپریزمنٹ ویسٹ اورپورٹ قاسم کلکٹریٹس نے میسرزال حاج آٹوموٹیوپرائیوٹ لمیٹڈاورمیسرزال حاج فاءموٹرکے مالکان میں شامل حلال خان آفریدی ،بلال خان آفریدی سمیت دیگرملزمان کے خلاف مقدمہ درج کرتے ہوئے قانونی کارروائی کا آغازکردیاہے جبکہ ایف آئی آرمیں کہاگیاہے کہ کنسائمنٹس کی کلیئرنس ایجنٹ میسرزانٹرنیشنل امپکس نے کی تھی ۔تفصیلات کے مطابق لگژری گاڑیوں کی تیاری میں استعمال ہونے والے قیمتی پرزوں کی بانڈڈویئرہاﺅس سے مبینہ طورپر غیرقانونی کلیئرنس سے قومی خزانے کو 20کروڑ روپے سے زائد زائد کا نقصان اٹھاناپڑاہے۔محکمہ کسٹمزکے تینوں کلکٹریٹس کی جانب سے درج کی جانے والی الگ الگ ایف آئی آرزکے مطابق درآمدکنندہ کی جانب سے درآمدکئے جانے والے لگژری گاڑیوں کی تیاری میں استعمال ہونے والے پرزہ جات کے مختلف کنسائمنٹس درآمدکرکے ملیرمیں قائم بانڈڈویئرہاﺅس میں رکھا گیاتھا تاہم معاملہ اس وقت منظر عام پر آیا جب خفیہ اطلاعات پر بانڈڈویئرہاﺅس میں رکھے گئے کنسائمنٹس کی جانچ پڑتال کی گئی توانکشاف ہواکہ بانڈڈویئرہاﺅس سے کروڑوں روپے کارکھا ہواسامان ایکس بانڈکی انٹری فائل کئے بغیرچوری کرلیاگیاہے جس پر 20کروڑسے زائد مالیت کے ڈیوٹی وٹیکسزکی ادائیگی نہیں کی گئی ۔واضح رہے کہ بانڈڈویئرہاﺅس محکمہ کسٹمزکی جانب سے کسٹمزآفیسر(ایگزمن آفیسر)تعینات کیاجاتاہے جس کی ذمہ داری بانڈڈویئرہاﺅس سے کلیئرنس ہونے والے کنسائمنٹس کو مکمل جانچ پڑتال کے بعدکلیئرکرنے کی اجازت دی جائے لیکن محکمہ کسٹمزکی جانب سے بانڈڈویئرہاﺅس میں تعینات افسران اپنی ذمہ داریاں انجام نہیں دیتے بلکہ بانڈڈویئرہاﺅس کے مالکان سے اپنا بھتہ وصول کرنے کے لئے جاتے ہیں جس کی وجہ سے بانڈڈویئرہاﺅسزسے سامان کی چوری کے واقعات رونماہونا ایک معمول بن گیاہے۔