جعلی پی آر سیز کا کیس ، سندھ ہائیکورٹ کا گاڑی سے سیف کسٹڈی ختم کرنے کا حکم

کراچی(کسٹم بلیٹن)سندھ ہائیکورٹ نے محکمہ ایکسائز کو ہدایات جاری کی ہیں کہ وہ سیف کسٹڈی کی گئی گاڑی کو محکمہ کی جانب سے جعلی پی آرسی کے ذریعے تقریبا70سے زائدلگژری گاڑی کی کلیئرنس پر مقدمات درج کئے گئے تھے اوربعدازاں محکمہ کسٹمزنے جعلی پی آرسی پر کلیئرکی گئی گاڑیوں کو سیف کسٹڈی کرنے کے لئے محکمہ ایکسائزکو ہدایات جاری کی گئی جس پر ان گاڑیوں کو سیف کسٹڈی کردیاگیاتھاتاہم گاڑی ٹویوٹاپراڈوکے مالک نے عدالت سے رجوع کیااورکیس کی پیروی ایڈوکیٹ انیل ضیاءکو دی گئی، دائر درخواست پر عدالت نے ایک اہم حکم جاری کرتے ہوئے ایکسائز اینڈ ٹیکسیشن ڈیپارٹمنٹ کو گاڑی کے ریکارڈ سے ’سیف کسٹڈی‘ کا نشان فوری طور پر ختم کرنے کی ہدایت جاری کر دی ہے۔،درخواست گزار نے موقف اختیار کیا تھا کہ اس کی گاڑی کو حال ہی میں ایکسائز اینڈ ٹیکسیشن ڈیپارٹمنٹ نے ایف آئی آر کی بنیاد پر ڈیٹا بیس میں ’سیف کسٹڈی‘ کے طور پر فلیگ کر دیا ہے، جس کے باعث گاڑی کی خرید و فروخت اور ٹرانسفر مکمل طور پر منجمد ہو گئی ہے۔ متعلقہ ایف آئی آر میں الزام عائد کیا گیا تھا کہ متعدد گاڑیاں جعلی پروسیڈز ریلائزیشن سرٹیفکیٹ (پی آرسی) کے ذریعے درآمد کی گئیں، واضح رہے کہ گاڑی کی رجسٹریشن کے لئے محکمہ کسٹمزکی جانب سے محکمہ ایکسائزکو گاڑی کی درستگی کی تصیدیق کی جاتی ہے اس کے بعد ہی گاڑی کی رجسٹریشن مکمل ہوتی ہے ۔