انڈونیشیانے پاکستان میں برآمدہونے والی چھالیہ پرپابندی عائدکردی
کراچی (کسٹم بلیٹن )انڈونیشیا کی جانب سے جاری سرکاری نوٹ کے مطابق پاکستان کو انڈونیشیا سے برآمد کی جانے والی چھالیہ کے معاملے میں تشویشناک صورتحال پیدا ہوگئی ہے،جس پر انڈونیشیا حکومت نے پاکستان میں چھالیہ کی برآمد عارضی طورپرپابندی عائد کردی ہے جبکہ انڈونیشیاسے برآمدکی گئی چھالیہ کے دوسوکنٹینرزکی کلیئرنس کراچی پورٹ کوروک لیا گیا ہے۔ذرائع کے مطابق یہ کنٹینرز پاکستان حکومت کی جانب سے 17 اکتوبر 2025 کو نافذ کیے گئے نئے غذائی تحفظ اور درآمدی قواعد و ضوابط پر پورا نہ اترنے کے باعث کلیئر نہیں ہو سکے، جس کے نتیجے میں درآمد کنندگان کو شدید مشکلات اور ممکنہ مالی نقصانات کا سامنا ہے۔اس پیشرفت کے بعد انڈونیشیا کے قونصل خانے کراچی کی رپورٹ پر فوری اقدامات کیے گئے اور پاکستان کی جانب سے نامزد جانچ سے پہلے معائنہ کرنے والے اداروں کے ساتھ اہم اجلاس منعقد کیا گیا،، اجلاس میں نئے ضوابط کے مطابق معائنہ کے طریقہ کار کا تفصیلی جائزہ لیا گیا۔دوستاویزات کے مطابق انڈونیشین حکام نے اپنے تمام متعلقہ تکنیکی یونٹس کو ہدایات جاری کی ہیں کہ آئندہ احکامات تک پاکستان کو چھالیہ کی برآمدی سہولت عارضی طور پر روک دی جائے تاکہ مزید کنسائمنٹس کی پکڑ دھکڑ سے بچا جا سکے اور ممکنہ نقصانات کو کم کیا جا سکے۔ماہرین کے مطابق اس صورتحال سے پاکستان اور انڈونیشیا کے درمیان زرعی تجارت متاثر ہونے کا خدشہ ہے جبکہ مقامی درآمد کنندگان کو مالی دبائو اور کاروباری مشکلات کا سامنا کرنا پڑ سکتا ہے۔واضح رہے کہ پاکستان کی جانب سے درآمدی چھالیہ کی جانچ پڑتال کے لئے لیب ٹیسٹ کی شرط ختم کرکے پری شپمنٹ انسپکشن سرٹیفکیٹ سے مشروط کردیاگیاہے ۔
