پورٹ قاسم پرمنشیات کی اسمگلنگ بے نقاب ، کروڑوں روپے مالیت کی ٹراماڈول گولیوں برآمد

کراچی(کسٹم بلیٹن) پورٹ قاسم کلکٹریٹ نے بروقت کارروائی کرتے ہوئے منشیات کی بڑے پیمانے پر اسمگلنگ کی کوشش ناکام بنا دی اور ایک ممکنہ بین الاقوامی نیٹ ورک کا سراغ لگا لیا، کسٹمز حکام کے مطابق میسرز صدف انٹرپرائزز کی جانب سے گھانا بھیجی جانے والی ایکسپورٹ کنسائمنٹ کو ریڈی میڈ گارمنٹس ظاہر کیا گیا تھا، جس کا کل وزن 6,485 کلوگرام اور مالیت تقریباً 44 لاکھ روپے ظاہر کی گئی تھی، تاہم 16 مارچ کو پورٹ قاسم یارڈ میں مشکوک ہونے پر جب کنسائمنٹ کی تفصیلی جانچ پڑتال کی گئی تو 140 کارٹنوں میں نہایت مہارت کے ساتھ چھپائی گئی17کروڑ4لاکھ مالیت کی 67 لاکھ 20 ہزار ٹراماڈول گولیاں برآمد ہوئیں، منشیات کومیسرز ڈینم گارمنٹس کے کارٹنوں کے پیچھے چھپایا گیا تھاجیسے عام معائنے میں پکڑنا مشکل ہو، اس کے علاوہ 56 کارٹن استعمال شدہ کپڑے بھی قبضے میں لے لیے گئے، کسٹمز حکام نے فوری طور پر ایف آئی آر درج کرتے ہوئے میسرز صدف انٹرپرائزز کے مالک ایم حنیف اور میسرز اورامکو ایجنسیز کے مالک سید ذوالقدر احمد کو مرکزی ملزمان نامزد کیا ہے جبکہ دیگر سہولت کاروں اور نیٹ ورک کے ارکان کی تلاش جاری ہے، حکام کے مطابق یہ کارروائی سخت نگرانی، انٹیلی جنس شیئرنگ اور مو¿ثر رسک مینجمنٹ سسٹم کے باعث ممکن ہوئی، مزید تحقیقات کے ذریعے اس نیٹ ورک کے بین الاقوامی روابط اور مالی لین دین کا بھی سراغ لگایا جا رہا ہے تاکہ مکمل چین کو بے نقاب کیا جا سکے