کراچی میں کسٹمز انفورسمنٹ کی کارروائی، مسافر بس سے چاندی اسمگل کرنے کی کوشش

کراچی (کسٹم بلیٹن) کسٹمز انفورسمنٹ کراچی نے موچکو چیک پوسٹ پر اسمگلنگ کی بڑی کوشش ناکام بناتے ہوئے چاندی ضبط کرلی ،تفصیلات کے مطابق کوئٹہ سے آنے والی ایک مسافربس کو روک کراس کی تلاشی لی تواس بس میں ایک مسافرکے سامان سے 25کلوگرام چاندی برآمدہوئی جس کی مالیت ایک کروڑسے زائد بتائی گئی ہے۔ذرائع نے بتایاکہ چاندی لے جانے والا شخص کسی قسم کی قانونی درآمدی دستاویز یا خریداری کی رسید پیش کرنے میں ناکام رہا، جس پر کسٹمز ایکٹ 1969 کی دفعات کے تحت چاندی تحویل میں لے لی گئی اور مذکورہ شخص کو حراست میں لے کر مزید تحقیقات شروع کر دی گئی ہیں۔ ترجمان ایف بی آر کے مطابق اسمگلنگ کی روک تھام کے لیے ملک بھر کی تمام چیک پوسٹس پر اسی جوش و جذبے کے ساتھ کارروائیاں جاری ہیں تاکہ قومی خزانے کو غیر قانونی تجارت سے محفوظ رکھا جا سکے۔