ایف بی آر کا درجہ بندی تنازعات کے حل کے طریقہ کار میں اہم رد و بدل کردی

اسلام آباد(کسٹم بلیٹن) وفاقی حکومت کے ریونیو ڈویڑن کے تحت فیڈرل بورڈ آف ریونیو (ایف بی آر) نے کسٹمز میں درجہ بندی (کلاسی فکیشن) کے تنازعات کے حل کے طریقہ کار میں اہم ترامیم متعارف کرا دی ہیں۔ اس سلسلے میں کسٹمز جنرل آرڈر نمبر01/2026جاری کردیاگیاہے ، جس کے تحت کسٹمز جنرل آرڈر نمبر 12/2002 میں باضابطہ ترمیم کی گئی ہے۔کسٹمزجنرل آرڈرکے مطابق درجہ بندی تنازعات کے حل کے لیے قائم کلاسیفکیشن کمیٹی کی تشکیلِ نو کی گئی ہے۔ پہلے یہ کمیٹی کلکٹر کسٹمز اپریزمنٹ ایسٹ، کلکٹر اپریزمنٹ ویسٹ اور کلکٹر کسٹمز ایس اے پی ٹی کراچی پر مشتمل تھی، تاہم نئی ترمیم کے تحت اب یہ کمیٹی ساو¿تھ ریجن کے کسی بھی تین کلکٹرز پر مشتمل ہوگی، جنہیں چیف کلکٹر کسٹمز (اپریزمنٹ ساﺅتھ) نامزد کریں گے، جبکہ اس نامزدگی سے بورڈ کو بھی باقاعدہ طور پر آگاہ کیا جائے گا۔علاوہ ازیں حکم نامے میں موجود شق کے تحت اپریزمنٹ ایسٹ، اپریزمنٹ ویسٹ اورایس اے پی ٹی کراچی کا مخصوص حوالہ ختم کر دیا گیا ہے، جس کا مقصد کمیٹی کے دائرہ اختیار کو وسعت دینا اور انتظامی لچک پیدا کرنا ہے۔ اسی طرح جہاں بھی کسٹمزکلکٹریٹ کے الفاظ غیر ضروری طور پر درج تھے، انہیں بھی حذف کر دیا گیا ہے۔ایف بی آر حکام کے مطابق ان ترامیم کا مقصد درجہ بندی کے تنازعات کے حل کے عمل کو زیادہ موثر، شفاف اور غیر جانب دار بنانا ہے تاکہ درآمدات و برآمدات سے متعلق کاروباری طبقے کو درپیش مسائل بروقت حل ہو سکیں اور کسٹمز نظام میں یکسانیت پیدا کی جا سکے۔