تافتان بارڈر پر کسٹمز کی کارروائی،44کروڑمالیت کی منشیات ضبط

تافتان (کسٹم بلیٹن) پاکستان کسٹمز نے تافتان بارڈر پر خطرناک نشہ آور دوا میتھاڈون کی اسمگلنگ کی ایک بڑی کوشش ناکام بنا دی۔ ایف بی آر کے مطابق تافتان بارڈرپر تعینات کسٹمزاہلکاروں نے شک کی بنیادپر ایک کنٹینرکی تلاشی لی توکنٹینرمیںموجود620کارٹن سے ایک کروڑ11لاکھ60ہزارمیتھاڈون کی گولیاںجس کی مالیت 44کروڑ46لاکھ روپے بتائی گئی ہے۔کسٹمزذرائع کا کہناہے کہ یہ ممنوعہ دوا ایک ایسے درآمدکنندہ کی ملکیت نکلی جو ماضی میں کسٹمز فراڈ اور غلط بیانی کے مقدمات میں ملوث رہا ہے۔ کارروائی کے دوران اس کنسائمنٹ کو ایک نجی گاڑی میں منتقل کرنے کی کوشش کرنے والے شخص کو گرفتار کر لیا گیا۔ ترجمان ایف بی آر کے مطابق میتھاڈون کی درآمد صرف ڈرگ ریگولیٹری اتھارٹی آف پاکستان (ڈریپ) کی سفارش پر وزارت نارکوٹکس کنٹرول کی جانب سے جاری کردہ این او سی کے ذریعے ممکن ہے۔محکمہ کسٹمزنے ایف آئی آر درج کر لی گئی ہے اور دیگر ملوث افراد کی گرفتاری کے لیے تحقیقات جاری ہیں۔