محمد طیب کراچی چیمبرکے انتخابات میں کارپوریٹ کلاس کے امیدوار،کاروباری طبقے کے مسائل کابہترحال ہوناچاہئے
کراچی(کسٹم بلیٹن)کراچی چیمبر آف کامرس اینڈ انڈسٹری (کے سی سی آئی) کے سالانہ انتخابات برائے2026-28 کے سلسلے میں کاروباری سرگرمیوں میں متحرک امیدواروں کی انتخابی مہم جاری ہے۔اسی سلسلے میں ایم ایس براڈ پیک لاجسٹکس پرائیویٹ لمیٹڈ کے محمد طیب نے بزنس مین الائنس (بی ایم اے) کے پلیٹ فارم سے ڈائریکٹر ایگزیکٹو کمیٹی کے عہدے کے لیے کارپوریٹ کلاس سے انتخاب لڑنے کا اعلان کردیا ہے۔محمد طیب کاروباری شعبے سے وابستہ ہیں اور براڈ پیک لاجسٹکس پرائیویٹ لمیٹڈ کے ذریعے لاجسٹکس اور کاروباری خدمات کے شعبے میں اپنی پیشہ ورانہ سرگرمیاں انجام دے رہے ہیں۔ انہوں نے کے سی سی آئی کے پلیٹ فارم سے کاروباری برادری کی موثر نمائندگی اور ان کے مسائل کو متعلقہ فورمز تک پہنچانے کے عزم کا اظہار کیا ہے۔انتخابی مہم کے دوران محمد طیب نے کاروباری برادری سے اپیل کی ہے کہ وہ ان کی حمایت کریں اور کارپوریٹ کلاس میں ان کے حق میں اپنا ووٹ استعمال کریں۔ ان کا کہنا ہے کہ چیمبر آف کامرس کاروباری طبقے کے مسائل کے حل، حکومت اور تاجر برادری کے درمیان رابطے اور کاروباری ماحول کی بہتری میں اہم کردار ادا کرتا ہے، اس لیے ایگزیکٹو کمیٹی کے اراکین پر کاروباری برادری کی موثر نمائندگی کی ذمہ داری عائد ہوتی ہے۔محمد طیب نے کہا کہ انتخاب میں کامیابی کی صورت میں وہ کاروباری برادری کو درپیش مسائل کی نشاندہی، متعلقہ اداروں کے سامنے ان کی موثر انداز میں نشاندہی اور ان کے حل کے لیے دستیاب فورمز پر آواز اٹھانے کے لیے اپنا کردار ادا کریں گے۔ ان کے مطابق تاجروں اور صنعت کاروں کو درپیش عملی مشکلات، کاروباری سرگرمیوں میں رکاوٹیں اور مختلف سرکاری و انتظامی معاملات ایسے امور ہیں جن پر چیمبر کے پلیٹ فارم سے مسلسل توجہ دینے کی ضرورت ہے۔انہوں نے اس عزم کا بھی اظہار کیا کہ اگر انہیں ایگزیکٹو کمیٹی میں نمائندگی کا موقع ملا تو وہ کاروباری برادری کے مسائل کو ترجیحی بنیادوں پر متعلقہ حکام تک پہنچانے اور ان کے حل کے لیے اجتماعی کوششوں کا حصہ بنیں گے۔ ان کے مطابق ایک موثر چیمبر کی ذمہ داری صرف انتخابی عمل تک محدود نہیں بلکہ انتخاب کے بعد بھی ممبران کے مسائل کے لیے مسلسل رابطہ اور نمائندگی ضروری ہے۔محمد طیب نے کاروباری برادری سے کہا ہے کہ وہ انتخابی عمل میں بھرپور شرکت کریں اور اپنے ووٹ کا حق استعمال کریں۔ ان کا کہنا ہے کہ کے سی سی آئی کی ایگزیکٹو کمیٹی میں کاروباری طبقے کی نمائندگی کا مقصد صرف عہدہ حاصل کرنا نہیں بلکہ ممبران کے مسائل کو متعلقہ اداروں کے سامنے مو¿ثر انداز میں پیش کرنا اور ان کے حل کے لیے عملی کردار ادا کرنا ہونا چاہیے۔انتخابی سرگرمیوں کے آخری مرحلے میں محمد طیب کی جانب سے کاروباری برادری کے مختلف حلقوں سے ملاقاتوں اور رابطوں کا سلسلہ بھی جاری ہے، جہاں وہ اپنی امیدوار ی اور کاروباری برادری کی نمائندگی سے متعلق اپنے مو¿قف سے آگاہ کر رہے ہیں۔ 26 ستمبر کو ہونے والی پولنگ کے بعد کے سی سی آئی کے نئے انتخابی مرحلے میں کامیاب امیدوار ایگزیکٹو کمیٹی میں کاروباری برادری کی نمائندگی کریں گے۔
