پرندوں کی غیرقانونی درآمد اور جعلی این اوسی کیس: مرکزی ملزم کی عبوری ضمانت منظور

کراچی (کسٹم بلیٹن)کسٹمز کی خصوصی عدالت نے وزارت موسمیاتی تبدیلی (منسٹری آف کلائمنٹ چینج) کی جعلی این اوسیز کے ذریعے کروڑوں روپے کے غیر ملکی پرندے در آمد کرنے سے متعلق کیس کے مرکزی ملزم اورمیسرزایم ایس ہائی ٹیک ٹریڈنگ ہاو¿س کے پروپرائٹر سید عقیل بخاری عبوری ضمانت قبل از گرفتاری منظور کر لی ہے۔عدالت نے ملزم کوایک لاکھ رپے کے مچلکے یا مساوی رقم کے پرسنل بانڈ جمع کرانے کا حکم دیتے ہوئے 18 ستمبر 2026تک عبوری ضمانت منظور کی اور ملزم کو تفتیشی افسر کے سامنے شامل تفتیش ہونے کی ہدایت کی ہے۔تفصیلات کے مطابق محکمہ کسٹمزکی جانب سے مذکورہ ملزم کے خلاف مقدمہ درج کیاگیاتھاکہ ملز م نے جعلی دستاویزات کے ذریعے طوطے ودیگرنایاب پرندے کے متعددکنسائمنٹس ذاتی طورپر درآمدکئے جن کی مالیت ایک کروڑ11لاکھ 55ہزارروپے بتائی گئی ہے جبکہ اان پر عائد ڈیوٹی و ٹیکسز کی رقم 28 لاکھ 24 ہزار 719 روپے بنتی ہے۔تاہم پرندوں کی منتقلی کے بعد جب وزارت موسمیاتی تبدیلی کے آفس سے ملزم کی جانب سے جمع کی جانے والی این اوسیزکی تصدئق کروائی گئی تووزارت نے این اوسیزکے اجراءانکارکردیااورکہاکہ دفترکے رکارڈکے مطابق این اوسیزجعلی اورمن گھڑت ہیں۔ملزم کے وکیل انیل ضیاءایڈوکیٹ کی جانب سے عدالت میں موقف اختیار کیا گیا کہ کسٹمز ڈیوٹی کا کوئی تنازع نہیں تھا بلکہ یہ معاملہ صرف این اوسیز کی تصدیق سے متعلق ہے۔ تمام کنسائنمنٹس2021 اور 2022 کے دوران قانونی طریقہ کار کے تحت کلیئر کروائے گئے تھے اور مہینوں بعد یہ ایف آئی آر درج کی گئی۔ عدالت نے دلائل سننے کے بعد سید عقیل بخاری کی عبوری ضمانت قبل از گرفتاری منظور کرتے ہوئے سماعت 18 ستمبر 2026ءتک کے لیے ملتوی کر دی۔