غیر ملکی شہریت کے دستاویزات جمع نہ پرایف بی آر افسران کے خلاف کارروائی کا انتباہ

اسلام آباد (کسٹم بلیٹن)فیڈرل بورڈ آف ریونیونے اپنے تمام افسران کے لیے غیر ملکی شہریت، پاسپورٹ، گرین کارڈ یا غیر ملکی ٹریول ڈاکومنٹس سے متعلق بیان حلفی (ڈیکلیریشن) جمع کروانے کے حوالے سے یاددہانی کا ایک اہم سرکلر جاری کیا ہے۔ بورڈ نے انتباہ جاری کیا ہے کہ مقررہ حد ختم ہونے کے باوجود معلومات فراہم نہ کرنے والے افسران کے خلاف تادیبی کارروائی کی جائے گی۔تفصیلات کے مطابق ایف بی آر کی جانب سے جاری کردہ آخری نوٹس میں واضح کیا گیا ہے کہ تمام سول سرونٹس اور ان کے زیر کفالت افراد کے لیے غیر ملکی شہریت یا ٹریول ڈاکومنٹس کی تفصیلات 90 دن کے اندر (30 اگست 2026 تک) جمع کروانا لازمی تھیں۔ قبل ازیں ایف بی آر نے 9 جون 2026 کو جاری کردہ سرکلر میں افسران کو 8 جولائی 2026 تک ڈیکلیریشن فارم بھیجنے کی ہدایت کی تھی۔دستاویزات کے مطابق مقررہ تاریخ گزر جانے کے باوجود متعدد افسران نے اب تک مطلوبہ پرفارما جمع نہیں کرایا ہے، جو کہ قواعد کی خلاف ورزی کے زمرے میں آتا ہے۔ایف بی آر نے خبردار کیا ہے کہ غیر ملکی شہریت،سفری دستاویززات یا غیر ملکی سے شادی کے ڈیکلیریشن کی عدم فراہمی یا جھوٹی معلومات فراہم کرنے والے افسران کے خلاف سخت قانونی کارروائی کی جائے گی۔