شوگر کی درآمد پر سیلز ٹیکس چھوٹ میں توسیع، قیمتوں میں استحکام کیلئے حکومت کا اہم فیصلہ

اسلام آباد(کسٹم بلیٹن )وفاقی حکومت نے ملک میں چینی کی دستیابی کو یقینی بنانے اور قیمتوں کو کنٹرول میں رکھنے کیلئے بڑا اقدام اٹھاتے ہوئے درآمدی چینی پر دی گئی سیلز ٹیکس رعایت کی مدت میں مزید توسیع کر دی ہے، اس سلسلے میںایس آراو 527 جاری کر دیا گیا ہے جس کے ذریعے سابقہ نوٹیفکیشن ایس آراو1217 میں باقاعدہ ترمیم کی گئی ہے۔تفصیلات کے مطابق مذکورہ نوٹیفکیشن کے تحت شوگر کی درآمد پر سیلز ٹیکس میں خصوصی رعایت دی گئی تھی تاکہ مقامی مارکیٹ میں سپلائی کو بہتر بنایا جا سکے اور قیمتوں میں غیر معمولی اضافے کو روکا جا سکے، تاہم درآمدی عمل اور مارکیٹ کی صورتحال کو مدنظر رکھتے ہوئے حکومت نے اس رعایت کی مدت بڑھانے کا فیصلہ کیا۔ترمیم کے مطابق نوٹیفکیشن دی گئی آخری تاریخ 30 نومبر 2025 کو تبدیل کر کے 28 فروری 2026 کر دیا گیا ہے، یعنی اب درآمدکنندگان اس توسیعی مدت تک سیلز ٹیکس رعایت سے فائدہ اٹھا سکیں گے۔ماہرین کے مطابق اس توسیع سے نہ صرف درآمدکنندگان کو مالی سہولت ملے گی بلکہ مارکیٹ میں چینی کی قلت کے خدشات بھی کم ہوں گے، جس کے نتیجے میں قیمتوں میں استحکام آئے گا اور صارفین کو ریلیف ملنے کا امکان ہے،