ایپکا کا انتخابی عمل شفاف تھا، ڈی جی ٹی او

کراچی (کسٹم بلیٹن)ڈائریکٹوریٹ جنرل آف ٹریڈ آرگنائزیشنز نے شکایت کنندگان کی شکایات اور الزامات کومسترد کرتے ہوئے آل پاکستان کسٹمز ایجنٹس ایسوسی ایشن کے انتخابی عمل کو شفاف اور درست قرار دیتے ہوئے ارشد خورشید کو منتخب چیئرمین قرار دے دیا ،اس سلسلے میں ڈی جی ٹی او نے جاری کردہ آرڈر نمبر 40 آف 2025 کے تحت مخالفین کے الزمات کو مسترد قرار دیا گیا ہے۔واضح رہے کہ ارشد خورشید کی تقرری کو چیلنج کرتے ہوئے متعدد شکایات دائر کی گئی تھیں۔ شکایت کنندگان میں یحییٰ محمد، زاہد بشیر، جنید سلطان، عرفان راشدی، عامر منشا، کامران الرحمٰن اور دیگر شامل تھے، انھوں نے انتخابی عمل میں بے ضابطگیوں کا الزام لگایا اورڈی جی ٹی اوسے مداخلت کی درخواست کی تھی۔تاہم، کیس کا تفصیلی جائزہ لینے کے بعد ڈی جی ٹی او نے تمام شکایات کو مسترد کر دیا اور واضح کیا کہ انتخابی عمل ٹریڈ آرگنائزیشنز رولز 2013کے مطابق مکمل طور پر شفاف اور درست طریقے سے منعقد ہوا تھا۔ حکم نامے میں تصدیق کی گئی ہے کہ ارشد خورشید درست اور شفاف عمل کے ذریعے چیئرمین منتخب ہوئے اور ان کا عہدہ غیر متنازع ہے۔ دریں اثنا ارشد خورشید کا کہنا ہے کہ یہ فیصلہ آل پاکستان کسٹمزایجنٹس ایسوسی ایشن کی قیادت میں وضاحت اور استحکام لائے گا، جو کہ پاکستان بھر کے کسٹمز ایجنٹس کی نمائندہ ایک اہم تنظیم ہے۔ شکایات کے اخراج سے یہ بات بھی ظاہر ہوتی ہے کہ ڈی جی ٹی او طریقہ کار کی شفافیت برقرار رکھنے اور تجارتی تنظیموں میں منصفانہ نمائندگی کو یقینی بنانے کے لیے پرعزم ہے۔یہ فیصلہ ایپکا کے اراکین کے اعتماد کو بحال کرنے اور کسٹمز ایجنٹس کے مفادات کے تحفظ میں ایسوسی ایشن کے کردار کو مزید مضبوط کرنے کا سبب بنے گا۔