ایئرپورٹس سیکیورٹی فورس نے سال 2025 میں چھ ارب سے زائد مالیت کی منشیات، سونااورغیرملکی کرنسی ضبط کی
کراچی (کسٹم بلیٹن )ایئرپورٹس سیکیورٹی فورس (اے ایس ایف) نے سال 2025 کے دوران ملک بھر کے تمام ایئرپورٹس پر انسدادِ اسمگلنگ کی مو¿ثر کارروائیوں کے نتیجے میں چھ ارب 40کروڑ روپے مالیت کی منشیات، سونا اور غیرملکی کرنسی ضبط کیں، جو جرائم پیشہ اور اسمگلنگ نیٹ ورکس کے لیے ایک بڑا دھچکا قرار دی جا رہی ہیں۔اے ایس ایف کی جانب سے جاری کردہ تفصیلات کے مطابق، جنوری سے دسمبر 2025 تک ملک کے مختلف بین الاقوامی اور اندرونِ ملک ایئرپورٹس پر تعینات اہلکاروں نے پیشہ ورانہ مہارت، مستعدی اور چوکسی کا مظاہرہ کرتے ہوئے درجنوں اسمگلنگ کی کوششوں کو ناکام بنایا۔رپورٹ کے مطابق، سال بھر میں مجموعی طور پر119کلوگرام منشیات،جس میں 27کلوگرام ہیروئن،88کلوگرام چرس،تین کلوگرام آئس شامل ہے۔ اے ایس ایف کی یہ کارروائیاں ہوائی راستوں کے ذریعے منشیات کی اسمگلنگ میں ملوث بین الاقوامی گروہوں کے خلاف ایک مو¿ثر اقدام ثابت ہوئیں۔اسی عرصے کے دوران قیمتی دھاتوں کی اسمگلنگ کے خلاف بھی بڑی کامیابیاں حاصل کی گئیں۔ اے ایس ایف نے 99کلوگرام اسمگل شدہ سونا برآمد کیا، جس کی مجموعی مالیت تقریباً 2 ارب93 کروڑ60 لاکھ روپے بتائی گئی ہے۔ اے ایس یف کی جانب سے کی گئی کارروائیاں غیرقانونی سونے کی اسمگلنگ میں ملوث عناصر کے لیے ایک بڑا مالی نقصان ہے،علاوہ ازیںاے ایس ایف نے ملک بھرمیں منی لانڈرنگ اور غیرملکی کرنسی کی اسمگلنگ کے خلاف کارروائیوں میں بھاری مقدار میں غیرقانونی کرنسی بھی ضبط کی گئی، جس میں19لاکھ8ہزار493امریکی ڈالر،4لاکھ20ہزار480برطانوی پاﺅنڈ،2لاکھ2ہزار510یورو،27لاکھ99ہزار385سعودی ریال سمیت دیگر مختلف ممالک کی کرنسی بھی برآمد کی گئی، جس کے بعد مجموعی طور پر ضبط شدہ غیرملکی کرنسی کی مالیت تقریباًایک ارب50کروڑ70لاکھ روپے بنتی ہے اے ایس ایف کے ترجمان کے مطابق، ایئرپورٹس سیکیورٹی فورس منشیات، منی لانڈرنگ اور اسمگلنگ کے خلاف زیرو ٹالرنس پالیسی پر عمل پیرا ہے۔ ترجمان نے کہا کہ اے ایس ایف کے اہلکار قومی ذمہ داری کے بھرپور احساس کے ساتھ، اعلیٰ پیشہ ورانہ صلاحیت اور مکمل عزم کے تحت ملکی ایئرپورٹس کی حفاظت اور اسمگلنگ کی روک تھام کے فرائض انجام دے رہے ہیں۔
