ایف بی آر کا تاجروں اور مسافروں کی شکایات کے فوری حل کے لیے تاریخی اقدام
اسلام آباد (کسٹم بلیٹن)فیڈرل بورڈ آف ریونیو کے کسٹمز آپریشنز ونگ نے ملک بھر کے تمام ا سٹیک ہولڈرز، درآمد کنندگان، برآمد کنندگان، کلیئرنگ ایجنٹس، ٹرانسپورٹرز اور عام مسافروں کے درپیش مسائل اور شکایات کو ترجیحی بنیادوں پر حل کرنے کے لیے ایک باضابطہ اور بااثر داد رسی کا نظام “گریونس ریزولیوشن سیل” قائم کر دیا ہے۔ایف بی آر کی جانب سے جاری کردہ مراسلے کے مطابق، یہ سیل ایف بی آر ہیڈ کوارٹر اسلام آباد میں قائم کیا گیا ہے جو تمام کسٹمز اسٹیشنز، بندرگاہوں، ڈرائی پورٹس، ہوائی اڈوں اور سرحدی کسٹمز چیک پوسٹوں پر درپیش مسائل پر موصول ہونے والی شکایات پر ہفتہ وار تعطیلات کے علاوہ 24 سے 48گھنٹوں کے اندر باضابطہ ابتدائی جواب اور پیش رفت فراہم کرنے کا پابند ہوگا۔سرکاری مراسلے میں ایف بی آر کسٹمز ونگ نے اس بات کا اعتراف کیا ہے کہ ہیڈ کوارٹر کی جانب سے کی گئی اسکروٹنی اور جائزوں کے دوران یہ بات سامنے آئی کہ ٹیکس دہندگان اور معزز شہریوں کے کئی جائز مسائل کے حل میں تاخیر کی جا رہی تھی، جس کی وجہ سے کاروباری طبقے اور عوام کو شدید مشکلات، پریشانی اور تلخ حالات کا سامنا کرنا پڑا۔ ایف بی آر کے مطابق ان مسائل کو ابتدائی سطح پر ہی حل ہو جانا چاہیے تھا، جس کی تلافی اور شفافیت یقینی بنانے کے لیے ہیڈ کوارٹر سیل کا قیام عمل میں لایا گیا ہے۔اس نئے شکایتی سیل سے درآمد کنندگان،برآمد کنندگان ، بانڈڈ کیریئرز اور ٹرانسپورٹرز،کسٹمز کلیئرنگ ایجنٹس ، بین الاقوامی و ملکی مسافر ور عام شہری براہ راست مستفید ہو سکتے ہیںاگر کسی شخص یا ادارے کو بندرگاہ، ڈرائی پورٹ، ایئرپورٹ، سرحدی کسٹمز پوسٹ یا اینٹی اسمگلنگ کی کارروائیوں سے متعلق کوئی بھی شکایت دے سکتے ہیں
