ایف بی آرنے بلوچستان کوٹہ کے تحت خالی آسامیوںکو ریکارڈطلب کرلیا

اسلام آباد(کسٹم بلیٹن )فیڈرل بورڈ آف ریونیو نے بلوچستان کوٹہ کے تحت کسٹمز ڈیپارٹمنٹ میں گریڈ ایک سے 15 تک کی خالی آسامیوں کا تازہ ترین ریکارڈ فوری طور پر طلب کر لیا ہے۔ اس سلسلے میں ایف بی آر کے ایڈمنسٹریشن اینڈ ایچ آر ونگ کی جانب سے کوئٹہ، تفتان، گوادر اور گڈانی سمیت تمام متعلقہ کسٹمز فیلڈ فارمیشز اور کلکٹریٹس کو انتہائی ضروری ہدایات جاری کی گئی ہیں کہ وہ براہ راست بھرتی کے کوٹے پر خالی ہونے والی آسامیوں کی درست اور مکمل تفصیلات مقررہ فارمیٹ کے مطابق بورڈ کو ارسال کریں۔ پاکستان پبلک ایڈمنسٹریشن ریسرچ سینٹر اسلام آباد کے خط کے تناظر میں یہ معلومات بلوچستان کوٹہ پر نئی ملازمتوں کے اشتہار کی اشاعت کے لیے طلب کی گئی ہیں۔ تمام متعلقہ دفاتر کو یہ بھی ہدایت کی گئی ہے کہ بھرتی کا عمل مکمل ہونے تک ان خالی آسامیوں کو محفوظ رکھا جائے تاکہ کوٹے کے تحت بروقت تقرریاں عمل میں لائی جا سکیں۔