ٹیکس چوری اورمس ڈیکلریشن کے ذریعے کنسائمنٹس کی کلیئرنس روک دی گئی

کراچی(کسٹم بلیٹن) ڈائریکٹوریٹ آف انٹیلی جنس نے کنسائمنٹس کی کلیئرنس کے دوران بدعنوانی کا پردہ فاش کرتے ہوئے درآمدی سامان کو مس ڈیکلریشن کے ذریعے کلیئرکرنے اورقومی خزانے کوایک کروڑ روپے کا نقصان پہنچانے کی کوشش ناکام بنا دی گئی ہے۔ انٹیلی جنس کوموصول خفیہ اطلاعات کے مطابق، درآمد کنندگان نے دو درآمدی کنسائمنٹس کو 15 ستمبر 2026کو غلط بنای کے ذریعے کلیئرکرنے کی کوشش کی جارہی تھی درآمدی سامان کا اصل نام پیٹ سیکوئن فلم تھا، جب کہ کاغذات میں اس کی جگہ پیٹ میٹلائزڈ کوٹڈ فلم ظاہر کیا گیااوردرآمدی قیمت کم ظاہرکرکے ویلیوایشن رولنگ کے تحت کم قیمت کا فائدہ اٹھایاگیا، درآمد کنندہ نے فی کلو گرام قیمت صرف 1.95ڈالر ظاہر کی جبکہ پیٹ سیکوئن فلم کی اصل اور لاگو ہونے والی قیمت فی کلو گرام 3.65 ڈالر ہے ۔تحقیقات سے یہ بات بھی سامنے آئی ہے کہ چینی برآمد کنندہ میسرز وینڑو ہانگڈا لیزر پکچر کمپنی لمیٹڈاپنی ویب سائٹ اور پروڈکٹ کیٹلاگ کے مطابق باقاعدہ طور پر پیٹ سیکوئن فلم تیار کرنے والا ادارہ ہے۔ جبکہ جی ڈیز کی جانچ پڑتال کے دوران لی گئی تصاویر بھی اس بات کی مکمل تصدیق کرتی ہیں کہ درآمد شدہ مال بالکل وہی ہے جو برآمد کنندہ کی ویب سائٹ پر موجود ہے۔ڈائریکٹر انٹیلی جنس شفقت علی خان نیازی کی جانب سے کلکٹرایس اے پی ٹیSAPT کو فوری طورپردونوں کنسائمنٹس کو ہولڈکرنے کے ساتھ ساتھ سامان کی مکمل جانچ پڑتال اور لیبارٹری ٹیسٹ کرانے کے احکامات جاری کیے گئے ہیں۔دستاویزات کے مطابق کسٹم انٹیلی جنس نے قومی خزانے کے نقصان کو روکنے کے لیے مال کی تشخیص درست ویلیو ایشن رولنگ کے تحت کرنے کی سفارش کی گئی ہے۔اس بروقت انٹیلی جنس الرٹ سے کسٹم کے شعبے میں ہونے والی بدعنوانی اور ٹیکس چوری کے ایک بڑے نیٹ ورک کو بے نقاب کر دیا گیا ہے، جس سے قومی خزانے کو کروڑوں روپے کے نقصان سے بچا لیا گیا ہے۔