ٹی پی کے کنسائمنٹس کی آڑمیں کروڑوں روپے کی ٹیکس چوری ناکام، ممنوعہ اشیاءاسمگل کرنے کی کوشش پکڑی گئی۔

کراچی(کسٹم بلیٹن) ڈائریکٹوریٹ جنرل آف ٹرانزٹ ٹریڈ نے ٹرانس شپمنٹ (ٹی پی)کے کنسائمنٹ میں کی جانے والی اسمگلنگ اور68کروڑسے زائد مالیت کے ڈیوٹی وٹیکسزکی چوری کو ناکا م بناتے ہوئے کروڑوں روپے مالیت کی ممنوعہ اشیاءضبط کر لی ہیں اور اس مکروہ دھند میں ملوث کمپنیوں میں شامل درآمدکنندہ میسرزگرین پاک انٹرپرائز،کلیئرنگ ایجنٹ میسرزای کیواے کارپوریشن اوربانڈڈکیریئرکے خلاف درج کرلی ہے اور دوملزمان کو گرفتارکرکے عدالت سے ریمانڈ حاصل کرکیاہے جبکہ باقی ملزمان کی گرفتاری کے لئے چھاپے مارے جاری ہیں ۔تفصیلات کے مطابق ڈائریکٹر جنرل ٹرانزٹ ٹریڈ کو خفیہ اطلاع موصول ہوئی تھی کہ کچھ عناصر درآمدی کنسائمنٹس میں ہائی ویلیو اور ممنوعہ اشیاءمیں شامل سگریٹ پیپر، ایسیٹیٹ ٹو اور مہنگے پرفیومز وغیرہ کی درآمد کو چھپاکر انہیں سستے اور عام کاغذ کے رولز ظاہر کر کے قومی خزانے کو 68کروڑ30لاکھ 90ہزارروپے کا نقصان پہنچانے کوشش کررہے ہیں ملزمان نے سامان کی ویلیوانتہائی کم ظاہر کی جس پر9لاکھ54ہزارکے ڈیوٹی وٹیکسزعائدہوتے ہیں جبکہ مجموعی مالیت 10کروڑ60لاکھ روپے تھی جس پر 68کروڑسے زائدکے ڈیوٹی وٹیکسزعائد ہوتے ہیں ۔دستاویزات کے مطابق اس نیٹ ورک میں شامل دیگر نامعلوم سہولت کار، معاونین، فنانسرز اور فائدہ اٹھانے والے افراد جن کا کردار گہرائی سے کی جانے والی تحقیقات کے دوران طے کیا جائے گا۔ذرائع کے مطابق جب اینٹی نارکوٹکس فورس اور کسٹم حکام نے ان کنٹینرز کی مشترکہ جانچ کی تو اس میں ڈکلیئرڈ کاغذ کے علاوہ ممنوعہ اور مہنگی اشیاءبرآمد ہوئیں جن میں* مختلف نامور برانڈز کے مہنگے پرفیومز ، منرل واٹر ، سگریٹ پیپر ، سیلولوز ایسیٹیٹ ٹو جو سگریٹ کی تیاری میں استعمال ہونے ولاے فلٹرزاسمگل کئے جارہے تھے،کسٹمز ہاﺅس لیبارٹری کے تجزیے سے یہ ثابت ہو گیا کہ درآمد کنندہ کی جانب سے امپورٹ پالیسی آرڈر کی کھلم کھلا خلاف ورزی کی گئی ہے اور غلط بیانی کے ذریعے قومی خزانے کو کروڑوں روپے کا نقصان پہنچانے کی کوشش کی گئی۔