فالکن آئی کی انشورٹیک سمٹ تھرڈ2025 میں شاندار شمولیت

کراچی(کسٹم بلیٹن): فالکن آئی پرائیویٹ لمیٹڈ نے پاکستان انشورٹیک سمٹ تھرڈ 2025 کی اسپانسرشپ کا اعلان کرتے ہوئے اس اہم ایونٹ میں واحد آئی او ٹی اور ٹیلی میٹکس ٹیکنالوجی پارٹنر کی حیثیت سے نمایاں شرکت کی۔ بدھ کو منعقدہ اس سمٹ میں فالکن آئی کی موجودگی نے مالیاتی اور انشورنس سیکٹر میں جدید ڈیجیٹل ٹیکنالوجیز کے بڑھتے استعمال اور ان کی اہمیت کو اجاگر کیا۔فالکن آئی، جو پاکستان میں انشورنس کمپنیوں کے ساتھ کام کرنے والے ٹیلی میٹکس سروس فراہم کرنے والوں میں سب سے بڑے مارکیٹ شیئر کی حامل ہے، انڈر رائٹنگ، کلیمز مینجمنٹ، رسک اسکورنگ، حادثات کی فوری رپورٹنگ، اور ڈرائیور کے رویے کے تجزیے سمیت متعدد اہم امور کے لیے ریئل ٹائم ڈیٹا فراہم کرتی ہے۔کمپنی کے جدید حل اس وقت مالیاتی اداروں، کارپوریٹ فلیٹس، لاجسٹکس کمپنیوں، سرکاری محکموں اور ہزاروں نجی صارفین کے زیر استعمال ہیں، جو اس بات کی علامت ہے کہ آئی او ٹی پر مبنی ٹیکنالوجی کس طرح مختلف شعبوں میں ڈیجیٹل تبدیلی اور کارکردگی میں بہتری لا رہی ہے۔کمپنی کے نمائندوں نے بتایا کہ ٹیلی میٹکس انشورنس کمپنیوں کو زیادہ درست رسک اسیسمنٹ، فراڈکی نشاندہی، بہتر کسٹمر سپورٹ اور بہترین انشورنس ماڈلز کو اپنانے میں اہم کردار ادا کر رہی ہے۔ انہوں نے کہا کہ ڈیٹا پر مبنی انشورنس مصنوعات مستقبل کی ضرورت بن چکی ہیں اور ان میں فالکن آئی کا کردار کلیدی ہے۔پاکستان انشورٹیک سمٹ تھرڈ 2025 میں انشورنس انڈسٹری کے اہم اسٹیک ہولڈرز نے شرکت کی اور ملک میں انشورنس خدمات کے مستقبل، جدید ٹیکنالوجی کے بڑھتے استعمال اور ڈیجیٹل انوویشنز کے امکانات پر تفصیلی تبادلہ خیال کیا گیا۔