کسٹمزانفورسمنٹ کی کارروائی ، بھاری مقدارمیں پکڑی جانے والی میٹھی چھالیہ کے اسمگل شدہ ہونے کا دعویٰ

کراچی (کسٹم بلیٹن)انفورسمنٹ کلکٹریٹ کی ٹیم نے خفیہ اطلاع پر کامیاب کارروائی کرتے ہوئے میٹھی چھالیہ میں شامل (تارا اورپیپسی چھالیہ)کی بڑی مقدارپکڑلی ہے محکمہ کسٹمزنے دعویٰ کیاہے کہ پکڑی جانے والی چھالیہ اسمگل کی گئی ہے۔تفصیلات کے مطابق انفوسمنٹ کی ٹیم نے مصدقہ اطلاع ملنے پر ایک کارروائی کے دوران مزدا ٹرک کو روک کر تلاشی لی گئی تو ٹرک سے بھاری مقدار میں میٹھی چھالیہ برآمد ہوئی جو انتہائی چالاکی سے اسمگل کی جا رہی تھی،پکڑی جانےوالی میٹھی چھالیہ کے6912ڈبہ برآمدہوئے جس کی مالیت 27لاکھ روپے سے زائد بتائی گئی ہے،محکمہ کسٹمزنے چھالیہ ضبط کرکے ملزمان کے خلاف قانونی کارروائی کا آغازکردیاہے۔واضح رہے کہ چھالیہ کی درآمدکو لیب ٹیسٹ سے مشروط کرنے کے بعد چھالیہ کی درآمدنہ ہونے کے برابرہے جبکہ چھالیہ کی ایک ماہ کی کھپت 600سے زائد کنٹینرکی ہے اس کے باوجود چھالیہ کی فیکٹریوں میں چھالیہ اسی مقدارسے بن رہی ہے جس سے اس بات کی تصدیق ہورہی کہ چھالیہ بھاری مقدارمیں اسمگل کرکے فیکٹریوں کو چلایاجارہاہے ،یہاں یہ بات بھی قابل ذکرہے کہ چھالیہ کی فیکٹریوں کے زیادہ تر مالکان نے اپنی فیکٹریاں مبینہ طورپر حب میں لگالی ہیں اوران فیکٹریوں میں میٹھی چھالیہ تیارکرکے مالک بھرمیں سپلائی کی جاتی ہے ،غیرقانونی چھالیہ کی بڑی مقدارمیں نقل وحرکت محکمہ کسٹمزسمیت دیگرذمہ داروں پر سوالیہ نشان ہے۔