کراچی پورٹ پر ٹرانس شپمنٹ کنٹینرز کا بحران، 100 سے زائد کنٹینرز غیرضروری معائنہ میں پھنس گئے

کراچی(کسٹم بلیٹن) کراچی کی مختلف کنٹینر ٹرمینلز پر اپ کنٹری صنعتی علاقوں کیلئے آنے والے 100 سے زائد ٹرانس شپمنٹ کنٹینرز تاخیر کا شکار ہوگئے ہیں، درآمدکنندگان نے اس صورتحال کو کسٹمز قوانین کے برعکس غیرقانونی اجتماعی معائنہ مہم قرار دے دیا ۔ذرائع کے مطابق لازمی اسکینگ مکمل ہونے کے باوجود کنسائمنٹس کو بلاجواز فزیکل معائنہ کیلئے بھیجا جا رہا ہے جس سے نہ صرف بندرگاہوں پر رش بڑھ گیا ہے بلکہ درآمدکنندگان کو بھاری ڈیمرج اور ڈیٹینشن چارجز کا سامنا بھی ہے۔کسٹمز قواعد کے مطابق صرف 2 فیصد کنسائمنٹس کا معائنہ ہونا چاہیے تاہم حالیہ ہدایات کے بعد عملی طور پر تمام کنٹینرز کو اسکینگ کے بعد بھی روک لیا جا رہا ہے۔متاثرہ کمپنیوں نے شکایت کی ہے کہ اس عمل سے سپلائی چین متاثر، تاخیر میں اضافہ اور مالی نقصانات بڑھ رہے ہیں جبکہ بعض کنٹینرز کو آو¿ٹ آف چارج ملنے کے باوجود بھی روکا جا رہا ہے۔کسٹمز ایجنٹس کے نمائندوں نے کہا ہے کہ اگر کسی مخصوص کنسائنمنٹ پر شبہ ہو تو اس کا معائنہ کیا جائے مگر تمام کنٹینرز کو بلاامتیاز روکنا غیرمنصفانہ ہے۔درآمدکنندگان نے مطالبہ کیا ہے کہ معائنہ کا عمل 24 گھنٹوں میں مکمل کیا جائے اور بلاجواز رکاوٹیں فوری ختم کی جائیں تاہم حکام کی جانب سے تاحال کوئی واضح ردعمل سامنے نہیں آیا