آئی پی آر انفورسمنٹ، جعلی مصنوعات کے خلاف کارروائیوں میں 24 فیصد اضافہ
کراچی (کسٹم بلیٹن) ڈائریکٹوریٹ جنرل انٹیلی کچوئل پراپرٹی رائٹس انفورسمنٹ (آئی پی آر ای) نے مالی سال2025-26کے دوران جعلی اور نقل شدہ مصنوعات کے خلاف کارروائیوں میں نمایاں کامیابی حاصل کرتے ہوئے گزشتہ مالی سال کے مقابلے میں 24 فیصد زائد کارروائیاں کیں۔سالانہ کارکردگی رپورٹ کے مطابق مالی سال2025-26 کے دوران مجموعی طورپر201 کارروائیاں کی گئیں، جبکہ گزشتہ مالی سال میں ان کی تعداد162تھی۔ ان کارروائیوں کے دوران 7ارب70کروڑروپے مالیت کی جعلی اور غیر قانونی مصنوعات قبضے میں لی گئیں، جن میں معروف برانڈز کی لگژری اشیائ، ٹیکسٹائل مصنوعات، آٹو پارٹس، کاسمیٹکس، جوتے، گھریلو استعمال کی مختلف اشیاءاور دیگر سامان شامل ہے۔رپورٹ کے مطابق پاکستان کسٹمز نے صرف انفورسمنٹ تک اپنی سرگرمیاں محدود نہیں رکھیں بلکہ مالی سال کے دوران ملک بھر میں30آگاہی سیمینار اور تربیتی پروگرام بھی منعقد کیے۔ ان پروگراموں میں کسٹمز افسران، چیمبرز آف کامرس، درآمد کنندگان، برآمد کنندگان، تاجر برادری، کسٹمز کلیئرنگ ایجنٹس اور دیگر متعلقہ اسٹیک ہولڈرز نے شرکت کی۔ سیمینارز میں املاک کے حقوق کے تحفظ، سرحدی نگرانی کے طریقہ کار اور قانونی تجارت کے فروغ کی اہمیت پر تفصیلی آگاہی فراہم کی گئی۔ڈائریکٹر جنرل آئی پی آر انفورسمنٹ عبدالقادر میمن نے بتایا کہ پاکستان کسٹمز جعلی اور نقل شدہ مصنوعات کی تجارت کی روک تھام کے لیے اپنی استعداد مزید بہتر بنانے کے لیے پرعزم ہے۔انہوں نے کہا کہ جدید رسک مینجمنٹ سسٹم، نئی ٹیکنالوجی، افسران کی پیشہ ورانہ تربیت اور ملکی و بین الاقوامی اداروں کے ساتھ مو¿ثر تعاون کے ذریعے سرحدی نگرانی کو مزید مضبوط بنایا جائے گا تاکہ دانشورانہ املاک کے حقوق کا تحفظ یقینی بنانے کے ساتھ قانونی تجارت کو بھی فروغ دیا جا سکے۔
