آل پاکستان کسٹمز ایجنٹس ایسوسی ایشن کے سالانہ انتخابات: کسٹمز ایجنٹس الائنس کی تاریخی اور کلین سویپ کامیابی

کراچی (اسٹاف رپورٹر)آل پاکستان کسٹمز ایجنٹس ایسوسی ایشن کے سالانہ انتخابات میں کسٹمزایجنٹس الائنس کے حمایت یافتہ پینل نے تاریخی کامیابی حاصل کرلی ہے۔تفصیلات کے مطابق کسٹمزایجنٹس الائنس نے مد مقابل کراچی چیمبرآف کامرس کے بزنس مین گروپ کے حمایت یافتہ پینل کوعبرتناک شکست دیتے ہوئے تمام نشستوں پر کلین سویپ کر کے تاریخی فتح حاصل کر لی ہے۔اعدادوشمارکے مطابق انتخابات میںمجموعی طور494ووٹ کاسٹ کئے گئے جس میں ایسوسی ایٹ کلاس میں کسٹمزایجنٹس الائسنس کے حمایت یافتہ پینل نے321ووٹ حاصل کرکے کامیابی حاصل کی اور بزنس مین گروپ کے حمایت یافتہ پینل نے 41ووٹ حاصل کئے اور63مکس ووٹ پڑے جبکہ کارپوریٹ کلاس میں 60ووٹ کاسٹ ہوئے جس میں کسٹمزایجنٹس الائنس نے 56پینل ووٹ حاصل کئے اوربزنس مین گروپ کے حمایت یافتہ پینل نے صرف 4ووٹ حاصل کئے ،کسٹمز ایجنٹس الائنس نے تمام نشستوں پر یکطرفہ کامیابی حاصل کی۔انتخابی نتائج کے مطابق کسٹمز الائنس کے تمام نامزد امیدوار تمام نشستوں پر شاندار اکثریت کے ساتھ کامیاب قرار پائے، جبکہ بی ایم جی گروپ کا پورا پینل مکمل طور پر ناکامی سے دوچار ہوا ہے۔ اس موقع پر کسٹمزایجنٹس الائنس کے رہنماﺅں میں شامل آصف سکی اورخرم اعجاز سمیت دیگررہنماﺅں اورساتھیوں نے زبردست جشن منایا، ایک دوسرے کو مبارکباد دی اور عزم ظاہر کیا کہ وہ کسٹمز ایجنٹس کی بہبود اور درپیش مسائل کے حل کے لیے بھرپور جدوجہد جاری رکھیں گے۔