ڈریپ نے صحت اور او ٹی سی مصنوعات کوتھراپیٹک گڈز قرار دے دیا

اسلام آباد(کسٹم بلیٹن)ڈریگ ریگولیٹری اتھارٹی آف پاکستان (ڈریپ)، وزارت قومی صحت، ضوابط و رابطہ کاری نے پالیسی بورڈ کی سفارشات پر ڈریگ ریگولیٹری اتھارٹی آف پاکستان ایکٹ 2012 کے سیکشن 2 کے تحت حاصل اختیارات کو بروئے کار لاتے ہوئے اہم صحت اور (اوٹی سی) مصنوعات کو باضابطہ طور پرتھراپیٹک گڈزکے طور پر نوٹیفائی کر دیا ہے۔تفصیلات کے مطابق کو جاری ہونے والے نوٹیفکیشن میں کہاگیاہے کہ جن مصنوعات کو تھراپیٹک گڈز میں شامل کیا گیا ہے ان میں جراثیم کش ادویات،غذائیت سے بھرپور مصنوعات، فوڈ سپلیمنٹس ،طبی نوعیت بچوں کا مخصوص دودھ ،طبی خصوصیات کے حامل کاسمیٹکس، طبی صابن ، طبی شیمپو شامل ہیں۔اس اقدام کا مقصد ملک بھر میں ان تمام صحت سے متعلقہ اور او ٹی سی مصنوعات کے معیار، تیاری اور فراہمی کو بہتر طریقے سے ریگولیٹ کرنا اور قانونی دائرہ کار میں لانا ہے۔