کے آئی سی ٹی کا ترسیلی نظام درہم برہم: کسٹمز سے کلیئر کنٹینرز کی چار روز سے عدم فراہمی پر شدید تشویش کا اظہار
کراچی (کسٹم بلیٹن)کراچی انٹرنیشنل کنٹینرزٹرمینل پر درآمدی کنسائمنٹس کی ترسیل کا نظام درہم برہم ہونے کی وجہ سے درآمدکنندگان کو شدید مشکلات کا سامناکرناپڑرہاہے۔اس سلسلے میں آل پاکستان کسٹمز ایجنٹس ایسوسی ایشن کے وائس چیئرمین صغیر قریشی نے بتایاکہ کراچی انٹرنیشنل کنٹینر ٹرمینل پردرآمدی کنسائمنٹس کا ترسیلی نظام کے مکمل طور پر بیٹھ جانے اور بدترین انتظامی غفلت کی جارہی ہے جس کے باعث درآمدکنندگان کو ڈیٹینشن کی مدمیں لاکھوں روپے کی اضافی ادائیگیاں کرناپڑرہی ہیں ۔ انہوں نے انکشاف کیا ہے کہ کے آئی سی ٹی پرگراﺅنڈنگ کے بعد اب کسٹمز سے کلیئر ہونے والے کنٹینرز کی ترسیل کا نظام بھی مکمل طور پر تباہ ہو چکا ہے، اور متعلقہ ٹرمینل انتظامیہ کسٹمز سے کلیئر ہونے والے کنٹینرز کی ڈیلیوری دینے میں مسلسل ناکام ہے،انہوںنے مزید بتایاکہ مذکورہ ٹرمینل کے پاس جدید آلات موجود ہیں اورلیبر کی کمی کے ساتھ ساتھ لیبر تربیت یافتہ نہیں ہے جبکہ درآمدی کنسائمنٹس کی ڈیلیوری بھی تاخبرسے ہورہی ہے اور ان تمام معاملات کے باعث درآمدکنندگان شدیداذیت کا شکارہورہے ہیں۔ذرائع کے مطابق اس ضمن میں اے پی سی اے اے کی جانب سے کے آئی سی ٹی انتظامیہ کو بزریعہ ای میل بھی شکایت ارسال کی گئی ہے۔ جس میں دو کنٹینرزکو ڈیلیوری کے لیے مارک کیے ہوئے 24 گھنٹے سے زائد کا وقت گزر چکا ہے، لیکن تاحال ترسیل کا عمل مکمل نہیں کیا گیا۔ ایسوسی ایشن کا کہنا ہے کہ ٹرمینل کی اس سستی اور تاخیر کی وجہ سے نہ صرف ان کا پورا آپریشنل شیڈول شدید متاثر ہو رہا ہے بلکہ کاروباری برادری کو غیر ضروری اذیت اور مالی نقصان بھی اٹھانا پڑ رہا ہے۔ایسوسی ایشن نے کے آئی سی ٹی انتظامیہ سے پرزور مطالبہ کیا ہے کہ وہ فوری طور پر مذکورہ کنسائمنٹس کو ترجیحی بنیادوں پر حل کرتے ہوئے کنٹینرز کی فوری ترسیل کو یقینی بنائے۔ اس کے ساتھ ساتھ دونوں کنٹینرز کی موجودہ پوزیشن اور متوقع ترسیل کے وقت سے بھی فوری طور پر آگاہ کیا جائے تاکہ تاجروں کے بڑھتے ہوئے نقصانات کو روکا جا سکے۔
