ممبر کسٹمزسے ایپکا کے وفد کی ملاقات، کسٹمز افسران کی کمی، اسکینگ و جانچ کے بیک لاگ اور پوائنٹس کٹوتی کا نظام زیر بحث
کراچی (کسٹم بلیٹن) آل پاکستان کسٹمز ایجنٹس ایسوسی ایشن کے وفد نے ممبر کسٹمز آپریشنز سے ملاقات میں کسٹمز افسران کی شدید کمی، ضرورت سے زائد اسکینگ اور سامان کی جانچ پڑتال کے باعث پیدا ہونے والے بیک لاگ، اور پوائنٹس کٹوتی کے نظام سمیت اہم مسائل پر تفصیلی تبادلہ خیال کیا گیا۔ممبرکسٹمزسے ہونے والی ملاقات اس نمائندگی کے تسلسل میں منعقد ہوئی جو ایسوسی ایشن نے حال ہی میں ایف بی آر کو مذکورہ مسائل کے حل کے لیے پیش کی تھی۔وفد کی قیادت آل پاکستان کسٹمز ایجنٹس ایسوسی ایشن کے چیئرمین ارشد خورشید نے کی، جبکہ کسٹمز ایجنٹس الائنس کی قیادت بھی اجلاس میں شریک ہوئی۔ وفد نے موقف اختیار کیا کہ کسٹمز افسران کی کمی اور غیر ضروری اسکینگ و معائنہ سے درآمدی و برآمدی سامان کی کلیئرنس متاثر ہو رہی ہے، جس سے تجارتی سرگرمیوں، بندرگاہی نظام اور کاروباری برادری کو مشکلات کا سامنا ہے۔ وفد نے پوائنٹس کٹوتی کے نظام پر بھی تحفظات سے آگاہ کیا اور اس میں مناسب اصلاحات کا مطالبہ کیا۔ممبر کسٹمز آپریشنز نے وفد کو یقین دہانی کرائی کہ تمام مسائل کو ترجیحی بنیادوں پر حل کرنے کے لیے ضروری اقدامات کیے جائیں گے اور متعلقہ حکام کو مناسب ہدایات جاری کی جائیں گی تاکہ تجارتی سہولت میں اضافہ، کلیئرنس کے عمل میں تیزی اور کسٹمز آپریشنز کو مزید موثر بنایا جا سکے۔آل پاکستان کسٹمز ایجنٹس ایسوسی ایشن نے ممبر کسٹمز آپریشنز کے مثبت اور تعمیری رویے کو سراہتے ہوئے امید ظاہر کی ہے کہ تجویز کردہ اقدامات پر جلد عملدرآمد کیا جائے گا، جس سے تجارتی سرگرمیوں کو فروغ ملے گا، بندرگاہوں پر بیک لاگ میں کمی آئے گی اور کسٹمز نظام کی مجموعی کارکردگی بہتر ہوگی۔
