پی ایس کیو سی اے ، درآمدی اشیاءکی لیبارٹری ٹیسٹنگ سے استثنیٰ کا باضابطہ نوٹیفکیشن جاری

کراچی (کسٹم بلیٹن )پاکستان اسٹینڈرڈز اینڈ کوالٹی کنٹرول اتھارٹی (پی ایس کیو سی اے) کی جانب سے جاری کردہ حکم نامے کے مطابق بورڈ آف انویسٹمنٹ، پی آر ایم آئی اور وزارت سائنس و ٹیکنالوجی کی ہدایات کی روشنی میں درآمد شدہ لازمی اشیاءکے کنسائمنٹس کو مزید لیبارٹری ٹیسٹنگ سے استثنیٰ دینے کا فیصلہ کیا گیا ہے، جس کا مقصد تجارت میں آسانی پیدا کرنا اور برآمدی و درآمدی عمل کو زیادہ شفاف اور تیز تر بنانا ہے، تاہم اس استثنیٰ کا انحصار چند مخصوص اور معتبر دستاویزات کی فراہمی پر ہوگا جو متعلقہ ریگولیٹری ایجنسی سے تصدیق شدہ ہوں اور وفاقی حکومت کی جانب سے پی ایس کیو سی اے ایکٹ 1996 کے سیکشن 14 کے تحت نوٹیفائی کردہ پاکستان اسٹینڈرڈز اسپیسی فکیشن اور امپورٹ پالیسی آرڈر کے اپینڈکسNسے ہم آہنگ ہوں، جن میں پہلی شرط کے طور پرکنٹری آف اوریجن یا برآمد کنندہ ملک کے تسلیم شدہ پروڈکٹ سرٹیفکیشن باڈی کی طرف سے جاری کردہ سرٹیفکیٹ آف کنفارمنس (سی اوسی) کی فراہمی شامل ہے جوآئی ایس اوکے معیار پر پورا اترتا ہو، یا دوسری صورت میں برآمد کنندہ ملک کے تسلیم شدہ انسپکشن باڈی کا جاری کردہ پری شپمنٹ انسپکشن رپورٹ (پی ایس آئی) پیش کیا جائے جوISOکے تحت معائنہ کرنے کی صلاحیت رکھتا ہو، یا پھر تیسرے اختیار کے طور پر مینوفیکچرنگ یونٹ کی اپنی تسلیم شدہ لیبارٹری کی ٹیسٹ رپورٹ پیش کی جائے جوISOکے عالمی معیار کے مطابق ٹیسٹنگ کی صلاحیت رکھتی ہو ۔