چھالیہ کے کنسائمنٹس کی دوبارہ لیبارٹری ٹیسٹ کا حکم

کراچی (کسٹم بلیٹن)حکومت پاکستان کی وزارت قومی غذائی تحفظ و تحقیق کے زیر اہتمام شعبہ ڈپارٹمنٹ آف پلانٹ پروٹیکشن نے بندرگاہوں اور کسٹم بانڈڈ ویئر ہاﺅسز میں روکے گئے چھالیہ کے کنسائمنٹس کے حوالے سے ایک بڑا اور اہم فیصلہ جاری کیا ہے۔حکام کی جانب سے جاری کردہ نوٹس کے مطابق23 دسمبر2025سے پہلے کے بلز آف لیڈنگ کے تحت درآمد کی جانے والی چھالیہ کے روکے گئے کنسائمنٹس کی اب دوبارہ تازہ لیبارٹری ٹیسٹنگ کی جائے گی۔نوٹس کے مطابق مشترکہ ٹیموں کی موجودگی تمام متعلقہ درآمد کنندگان کو ہدایت کی گئی ہے کہ وہ بندرگاہوں اور ویئر ہاﺅسز میں موجود اپنے چھالیہ کے کنسائمنٹس سے نمونے حاصل کرنے کے لیے ضروری انتظامات کریں، سیمپلنگ ڈی پی پی ، کسٹمز اور ایچ ای جے(HEJ)کے نمائندوں کی مشترکہ موجودگی میں کی جائے گی۔ نوٹس میں واضح کیا گیا ہے کہ ہدایت پر عمل نہ کرنے کی صورت میں متعلقہ فریقین کے خلاف قانون کے مطابق سخت قانونی کارروائی کی جائے گی۔ یہ احکامات چیف کلکٹر کسٹمز اپریزمنٹ (ساﺅتھ)، ڈائریکٹر ایچ ای جے ، ڈپٹی ڈائریکٹر ٹیکنیکل (کوارنٹائن) اور چھالیہ کے تمام امپورٹرز کو ارسال کر دیے گئے ہیں تا کہ پروسیس کو فوری طور پر مکمل کیا جا سکے۔