چاول کی آڑمیں گڑ کی اسمگلنگ کا الزام، مزید دوملزمان کی ضمانت قبل ازگرفتاری
کراچی (کسٹم بلیٹن) اسپیشل جج (کسٹمز، ٹیکسیشن اینڈ اینٹی اسمگلنگ، کراچی کی عدالت نے چا ول برآمدکرنے کی آڑمیں گذ(شکر) کی اسمگلنگ میںنامزدمزید دوملزمان محمدکامران ظفرکوایک لاکھ روپے کے مچلکوں اورگل محمدکوپانچ لاکھ روپے کے مچلکوں کے عوض ضمانت قبل ازگرفتاری کے احکامات جاری کردیئے ۔تفصیلات کے مطابق اس سلسلے میںایڈوکیٹ انیل ضیاءکے دلائل کی روشنی میں عدالت نے ملزمان کی ضمانت کا حکم جاری کیا۔تفصیلا ت کے مطابق محکمہ کسٹمزکی جانب سے درج کی جانے والی ایف آئی آرمیںمیسرز لیوش فوڈزکے گل محمد اور کلیئرنگ ایجنٹ میسرز ظفر انٹرپرائززکے ڈائریکٹرمحمدکامران اورمنیجرمحمدآفاق کو نامزدکیاگیا ،محکمہ کسٹمزنے الزام عائد کیاتھاکہ مذکورہ برآمدکنندہ نے کلیئرنگ ایجنٹ کے ساتھ ملک کر 8 کنٹینرز کے ذریعے ایک لاکھ87ہزار567 کلوگرام چاول متحدہ عرب امارات (جبل علی)برآمد کرنے کے لئے گڈزڈیکلریشن فائل کی تاہم رسک مینجمنٹ سسٹم کی جانب سے گرین چینل سے کلیئر ہونے کے بعد، کسٹمز حکام نے خفیہ اطلاعات کی بنیاد پرنجی ٹرمینل پر ان کنٹینرز کی جانچ پڑتال کی گئی،جانچ پڑتال کے دوران دو کنٹینرز سے چاول کی بوریوں کے پیچھے چھپایا گیا20500 کلوگرام ممنوعہ گڑ (شکر) برآمد ہوئی، جس کی مارکیٹ ویلیو لاکھوں روپے بتائی گئی ہے۔واضح رہے کہ اس سے قبل مذکورہ عدالت نے محمدآفاق کی ضمانت قبل از گرفتاری منظورکی تھی ۔
