تفتان ریلوے اسٹیشن کولینڈکسٹمز اسٹیشن بنادیاگیا

اسلام آباد(کسٹم بلیٹن) وفاقی حکومت نے کسٹمز ایکٹ 1969 کے تحت حاصل اختیارات کااستعمال کرتے ہوئے بلوچستان کے سرحدی علاقے تفتان میں واقعریلوے اسٹیشن تفتان کو باضابطہ طور پرلینڈ کسٹمز اسٹیشن قرار دے دیاگیاہے ہے۔ اس سلسلے میںفیڈرل بورڈ آف ریونیو نے ایس آر او1055 جاری کر دیا ہے۔نوٹیفکیشن کے مطابق 11.75 ایکڑ پر مشتمل ریلوے اسٹیشن تفتان کا علاقہ درآمدی و برآمدی سامان کی لوڈنگ، ان لوڈنگ اور کسٹمز کلیئرنس کے لیے کسٹمز اسٹیشن کے طور پر استعمال کیا جائے گا۔ اس اقدام کا مقصد پاکستان اور ایران کے درمیان سرحدی تجارت کو مزید سہولت فراہم کرنا، تجارتی سرگرمیوں کو منظم بنانا اور کسٹمز کلیئرنس کے عمل کو موثر بنانا ہے۔ایف بی آر کی جانب سے جاری نوٹیفکیشن میں لینڈ کسٹمز اسٹیشن کی حدود بھی متعین کر دی گئی ہیں۔ شمال کی جانب یہ علاقہ کسٹم ہاو¿س، پاکستان ہاو¿س اور اسسٹنٹ کمشنر کے دفتر سے ملحق ہے، جنوب میں ایف سی ہیڈکوارٹر اور ایران بارڈر واقع ہے، مغرب میں ایران کی سرحد جبکہ مشرق میں سولین و ریلوے کالونی واقع ہے۔ذرائع کے مطابق ریلوے اسٹیشن تفتان کو لینڈ کسٹمز اسٹیشن کا درجہ دینے سے پاکستان اور ایران کے درمیان ریلوے کے ذریعے ہونے والی تجارت میں اضافہ متوقع ہے۔ اس فیصلے سے سامان کی ترسیل، کسٹمز کارروائیوں اور سرحدی تجارتی روابط کو مزید بہتر بنانے میں مدد ملے گی، جبکہ دونوں ممالک کے درمیان دوطرفہ تجارت کے فروغ کے لیے بھی یہ اقدام اہم پیش رفت ہے۔ تفتان پاکستان کا ایران کے ساتھ سب سے اہم زمینی تجارتی راستہ ہے اور ریلوے انفراسٹرکچر کو کسٹمز سہولتوں سے منسلک کرنے سے تجارتی لاگت میں کمی، نقل و حمل کی رفتار میں اضافہ اور سرحدی تجارت کی استعداد میں بہتری آئے گی۔